Marianne Thormodsæter

Tid.

2011-10-26T14:27:00.001-07:00

Tid for vener.

Tida går fort. Hausten er ikkje lenger her. Eg har endeleg fått meg ei vinterjakke. Endeleg. Det er kaldt i Oslo og tida går fort. Dagane er travle. Ja, særs travle. Får eg eigentleg gjort alt som står på lista? Ofte er lista for lang. Men eg kan ikkje klage, eg likar lista mi. Og eg likar livet i Oslo.

Køyseng, vinter, Dagen, Fjellhaug, Bibel, GHK, vener, Eksamen, Trussamfunn, Sofasurfer, snart jul. Eller?

Korleis få tid? Kven veit? Eg? Du? Jon Fosse?

Nei, Gud.

Oak Hall

2011-06-26T16:07:00.000-07:00

Me er i ENGLAND!

2011-06-14T12:25:00.000-07:00

We are in England, and we're doing WELL! I dag har me hatt vår første dag på jobben. Marianne blei plassert på kjøkenet med Liz og Daniel medan Synnøve har vore på toalettet i heile dag med Sarah. Me har jobba og jobba, sveitta renn og sjokoladen går ned. Det trengs for å få litt energi. Sjølv om Marianne fekk lage kake som ho serverte i kveld til alle gjestene, så var den tydlegvis ikkje til oss andre hardt jobbande. Dei andre på Oak Hall teamet var super gira på restar frå fredag og laurdag. Synnøve SIKLA etter den kaka, ho har difor planar om å gå ned å snike seg litt etterpå.

Alt i alt så har me:

- Fått 800gr av favorittsjokoladen til Mark, som var så snill å henta oss på flyplassen

- Opplevd Tesco som er UKs største matvarekjede

- Fått eit kosleg rom

- Blitt kjend med koslege menneske

- Vore på jobb i omlag 1o timar

- Nytt den fantastiske utsikten som Kent har å by på

- Ete sjokolade (sjølvsagt)

- Synnøve har fortalt Daniel at me er alle brødre og søstre i Jesus Kristus. Og han svara AMEN, Synnøve svara: I'm sorry.

Me ler og har det morosamt.

GUS er over, sumaren er i gong!

2011-06-01T14:47:00.000-07:00

GUS er over, ferien på Halsnøy er starta og jobbinga på Brandøy byrjar på fredag. Om 12 dagar reiser eg og Synnøve Aarskog til England for å jobbe på eit gjestehus som er drive av OakHall. Kva me skal gjere der, det er me ikkje heilt sikkre på. Men gledar me oss? Sjølvsagt!

(Synnoeve og eg som skal til England)

Me har det bra!

2011-03-11T10:24:00.000-08:00

No er det berre ei veke til me lettar frå Youff flyplass i Dakar. I det siste har det vore mykje på ferde. Me fer rundt på ting og prøver samstundes og bli litt brun til me skal heim att. Det er mykje som skal skje og mykje som skal gjerast før me set kursen mot Noregs land, men me har det verkeleg bra!

- I det siste har me vore på tur på landsbygda i Senegal og fått sjå korleis misjonærane bur der, nokre bur som menneska i landsbygdene og andre misjonærar bur litt betre.

- Susanne på teamet har blitt døypt på stranda

- Me har fått vere med å sjå på Senegalesisk brytekamp saman med mange tusen andre Senegalesarar

-Me har feira 3 års dagen til "litlebroren" vår Isaac

- Me har gått rundt med "foularar"

- Me har fått vore på internasjonal messe, der mange land i Afrika hadde mykje å by på. Eg fekk spelt Le Djembe ( Afrikansk tromme) Saman med ein profesjonell, noko som var stas!

- Me har nytt livet i Senegal!

Santa Yalla, Diereduif

2011-02-19T07:23:00.000-08:00

Sola skin på ein spesiell måte i dag, eg får ei kjensle av første dag i sumarferien. Sola varmar på ein måte som gjer at ein gløymer at ein hadde to tepper på seg gjennom natta, at det faktisk var litt kaldt i går og at det faktisk er vinter i Dakar òg.

Ein gløymer nesten at me for to dagar sidan hadde på ull-undertøy, for å ete frukost ute i mørket og for å feire Ragnhild. At me skulle ut å sjå soloppgangen, men var på feil side av Dakar.

Ein gløymer nesten at det blei arrangert ”suprise-party” for Ragnhild med ungdommane i menigheita, men at Afrikanarane er så seint ute, at dei kom tre timar etter Ragnhild hadde kome til festen.

Ein gløymer nesten at Ragnhild lærde hushjelpa å lage pizza og at ungane kom på besøk og åt saman med oss.

Ein gløymer nesten at ungane herja slik med trommene til Marianne og Susanne at Susanne tok tromma si og sa; ”C’est fini”, og sprang avgårde med tromma i redsel for at Klementine, skulle nå henne att og ta tromma.

Ein gløymer nesten at Marianne og Susanne gjorde ting på lista på laurdag og såg Monumentet i Dakar, samt fyrtårnet og åt ” Norvegiénne Hotdog”.

Ein gløymer nesten at Ragnhild var åleine på ”marché Sandaga” og blei kalla ”Madame Dakar” då ho hadde på seg eit veldig typisk Senegalesisk skjerf.

Ein gløymer nesten at Marianne og Susanne var med Kleofas og besøkte heile ”storfamilien” utan å vite at det var det dei eigentleg skulle, noko som førte til at dei følte seg ganske malplasserte.

Ein gløymer nesten at på Sundag var det nok ein gong duka for vår vanlege ”kyrkje-sundaga” der det blei brukt 7 timar i menigheita vår.

Ein gløymer nesten at i går på Dagsenteret til Marianne og Ragnhild fekk dei testa ut danse-skills og fekk lært å danse ”Yosa” og i tillegg lært ”Afrikansk-UNO” til nokre Amerikanarar som var på besøk.

Ein gløymer nesten at me arrangera filmkveld på Dagsenteret til Ida og Susanne og at ”The Gods must be crazy” er morosam for alle, sjølv om verken ungane eller me forsto den dubba fransken i filmen.

Ein gløymer nesten Afrikanaren som har brukt utallege timar på å sitte på taket sitt å sjå inn på kjøkenet vårt, medan me et.

Ein gløymer nesten bollene som eg har laga på den flotte fridagen og som no må takast ut av omnen.

Ein gløymer nesten at i dag skal me pakke ned ”Criben” vår på Point E, for å byrje på eit nytt kapittel av tida vår i Dakar.

…Då sola skin så vent ein onsdags føremiddag så er det nesten så ein gløymer alle dei flotte tinga som me opplever gjennom ei veke i Dakar. Og som dei ville sagt det på lokalspråket her; ”Santa Yalla, Dierediuf” – Takk, store Gud!

Tida går så utruleg fort...

2011-02-05T16:06:00.000-08:00

...og difor har Susanne og eg sett opp ei liste over ting me må gjere i Dakar i løpet av Februar. På lista står det mange ting og me føler nesten at me har lita tid. Om seks veker er me heime att. Det er utruleg at tida har gått så fort. Men me har enno tid igjen og eg gledar meg masse til fortsetjinga. Senegal er eit bra land! Her er nokre bilete frå Laurdag i Dakar!

1. ting på lista; Hann Maristes Zoo

Ei skilpadde som Ragnhild blei veldig fascinert av og som ho filma i lengre tider, ja. Det skjedde ikkje så mykje på den lange tida ho filma.
Ei kul løve.
Eit dyr som var fotogent.
2. ting på lista; gå på Marché Colabang.
Ei søt dame, som eg framleis er usikker på om eg fekk lov til å ta bilete av. Søt var ho iallefall.
Ida var òg søt. Ho er eg sikker på at eg kan ta bilete av.
3. på lista; kjøpe Juice til 1kr. Den var dårleg.
4.ting på lista; kjøpe chips til 1kr. Den var god!
5.ting på lista; lage Rullekake i Dakar. Det gjekk fint, sjølv om det var litt tungt å vispe eggedosis for hand.
Tenkte eg skulle slenge med eit bilete av Suanne og eg i Senegalesiske fotballdraktar. Eg er nøgd meg å ha blitt kalla senegalesar og ven etter å ha pruta saman med Susanne på drakten hennar.

Dette skjer når ein skal ut å kjøpe appelsin...

2011-02-03T06:06:00.000-08:00

...me stikk på solbrilleshopping på marknaden utanfor huset

...me kjøper den etterlengta 1kroners kjeksen ; Cikilop

...me finn ut at me skal stikke på marknaden; HLM

...me finn då "misjonærkjolar" til turen me skal ha til landsbygdene i Senegal

...tek sjølvsagt bilete med dei kjekke menna som selde oss kjolar

...eg prøver å prute på den etterlengta appelsina.

Salsmannen: 5 kr

Eg: Det er for dyrt

Salsmannen: Nei, det er ikkje dyrt

Eg: Jo, det er jo det

... Då eg skal kjøpe merka eg at eg høyrde feil og det kosta visst 50 ører. Han må ha tenkt at eg var ein gnien kviting

...visar fram appelsina, den er skrelt og GOD!

Blir overtalt til å få ein "tattis" og kjøper billig is

...Slik går det då ein berre skulle ut ein liten tur

100 stk!

2011-01-31T06:18:00.000-08:00

I skrivande stund sit eg med ein slikkepinne i munnen. Lurar du på kvifor? Det er godt, billig, lett å gi til andre og ein får kjøpt det i store pakningar. Det var for litt sida då Susanne, Ragnhild og eg var på stranda at me oppdaga desse "kjærleikane". At det skulle vise seg at dei var så gode var det jo ingen som visste. Det som var eit problem i mange dagar var korleis eg kunne få kjøpt ein stor pakning med desse utan å betale for mykje. Susanne tok sjølvsagt på seg oppgåva og fekk leiaren for dagsenteret sitt til å vise kvar ho kunne kjøpe. Ein fin fredags ettermiddag kom då Susanne heim med ikkje mindre enn 100 slikkepinnar til meg. Akkurat no sit Ragnhild og eg med pc'en med kvarsin slikkepinne og hushjelpa sit og vaskar klede med ein slikkepinne i munnen. Tusen Takk Susanne Johnsen for at du skaffa meg 100 slikkepinnar!

C'est cool

2011-01-22T12:17:00.000-08:00

Eg vert lett fascinert. Her kjører me veldig ofte taxi. Dei er som regel ikkje fine. Dei skranglar. Dei er halvmalte. Dei er gamle. Dei er ikkje bra å sitje i. Dei er skitne. Og alikevel så er det så kjekt! For ca 1000-1500 franc (10-15 NOK) så kjem me oss overalt i desse flotte doningane. Ja, eg syns det er kult.

Nytt innlegg på gus.no

2011-01-18T15:04:00.000-08:00

Susanne frå Teamet mitt har skrive ei lita oppdatering for Senegal-teamet med masse bilete på;

http://gus.no/index.php?kat_id=2136&art_id=3314

Fryd og Gammen!

2011-01-17T06:34:00.001-08:00

(Dei som jobbar på dagseneteret)

Det er måndags ettermiddag og me er komne heim frå Dagsenteret. Me har nett ete ”armeridderar” med Hushjelpa, Amy. No sit ho og vaskar kleda og me sit på PC’en. Lik fordeling, ja. Det er 17. januar og det er framleis vinter i Afrika. Det er kaldt om natta og morgonen og det er varmt resten av døgeret. Me er for lengst tilbake i Dakar etter ferien… og det er godt å vere tilbake her. Me byrjar å kome tilbake i kvardagen. På dagsenteret har me no fått lunsj i staden for frukost. Då blir det servert fisk og ris i forskjellige variantar. Dette gjer òg at Rokoya og eg kan få ete saman med kollegaane våre. Sidan me ikkje er på dagsenteret heile dagen så gjer det oss tid til å utforske og oppleve kultur og menneske i Senegal. Ragnhild og eg har blitt fasinert av kvinnene her nede. Det er særs normalt å gå med parykk her. Då følte me at det var veldig sannsynleg at me skulle kjøpe parykkar. Så difor hadde me ”wigweek” på godt norsk, ”parykkveke”. Me fekk blikk, me fekk latter, me fekk kompliment. Det var morosamt. No har me byrja å bli betre kjend med jentene i menigheten vår. Me stelte i stand ”girlsnight” hjå oss. Dei fiksa negler, sminke og hår. Me satt der. Det er tydlegvis slik brasilianarane gjer det. I går var ein stor dag for oss. Me fekk vere med i Senegalesisk BRYLLAUP! Vildene sa til oss at det var normalt at mellom 200-600 menneske skulle kome, så om me ville ha sitje plass så var det greitt å kome ein halvtime. Me kom sjølvsagt ein halvtime før og var dei blant dei første som kom. Ikkje kjente me brudeparet og ja, me var kvite. Etter halvannan time så kom det fleire folk. Ja, tida i Afrika er på kjøret. Men me byrjar å bli vane med det og seier nokon at det byrjar kl 19.00, så kjem me 19.30-20.00. Me byrjar endeleg å forstå.

WIGWEEK

Mat på Dagsenteret!

Ida, Henoc og Moi

Ragnhild, Joseph, Meg, Susanne og ein fyr utan namn

Girlsnight

Bryllaup i Senegal

Jeg er i Herrens hender

2011-01-08T11:03:00.000-08:00

Jeg er i Herrens hender

når dagen gryr i øst.

Hver morgen han meg sender

sitt ord med lys og trøst.

Hva dagen meg vil bringe

av glede og av savn,

jeg kan på bønnens vinge

få kraft i Jesu navn.

Jul i Senegal!

2010-12-28T13:02:00.000-08:00

Me ligg på stranda, me slappar av, me badar i bassenget, me går rundt, me har ikkje vatn og ikkje straum. Ja, slik er livet på ferie i Senegal. Sjølv om me ikkje har straum eller vatn for augonblinket, så har me det veldig bra sjølvom.

Me ser Askepott

Me et Julegraut

Eg er ein einsam nisse

Me har det fint ved bassenget

Det er lekkert

Senegal-teamet

Me opnar pakkar

C'est la vie!

Vonar alle har ei Velsigna jul! :-)

Desember

2010-12-20T16:34:00.000-08:00

Det er varmt ute. Me fer på juleparty. Me tek taxi med juletre og nissehue. Me får mange rare blikk. Mange ropar God Jul. Me får god mat og drikke hjå Gimmi og Karina. Me leikar. Me kosar oss. Me går på jobb. Me tek bilete. Det er plutseleg juleferie. Det er kontrastar. Ragnhild og Marianne leikar turistar. Susanne og Ida Maria jobbar. Det er Festival i Senegal. Eg blir 19 år. Eg får god bursdagsfrukost. Me går på Red Bowl. Me går på N'ice cream. Me lagar kake. Me går på Juleparty. Det er ein veldig "afrikansk bursdag" . Ragnhild og Marianne finn ein fin cafè og held fram med å leike turistar. Desember er ein fin månad.

Festival

Juleparty

Ungane på Dagsenteret

Bursdag

Livet som turistar i Dakar

Nytt innlegg på gus.no

2010-12-18T02:56:00.000-08:00

http://gus.no/index.php?kat_id=2136&art_id=3297

Første tur ut av Dakar!

2010-12-12T13:36:00.000-08:00

Det er laurdags morgon, kl er 06.00. Det er mørkt ute, for første gong står me opp då det er mørkt. Det er nesten litt kjølig då me fer ut av leilegheita og klokka er 06.30. Me har fått beskjed om å møte kl 07.00. Me kjem sjølvsagt kl 06.45. Dei me skal reise med er ikkje stått opp enno. Me ventar til kl er 08.00. Då reiser me. Tid er noko som ikkje er like naudsynt for alle i Afrika. Me er no på veg til Saly saman med Islandske Eva og familen ho bur hjå. Me kjem etter ein time til the pink lake, men som ikkje er pink i dag pga lyset. Då tek me ein kameltur istaden. Turen fer så vidare til Saly. Ein fantastisk flott turistplass ( som me skal feire jul i ). Så et me der og fer vidare. Det er no tid for høgdepunktet: "Acrobaobab" Her får me på oss sikringsutstyr og får klatre i trer, det er løyper oppe i dei store trea, det er wirebanar, det er militærløyper oppe i det høge. Det er tungt, det er spanande, myggen bit og bit, me sveittar, det blir mørkt att, det er kjekt.

- J'aime le Senegal!

Her er med ved "the pink lake"

Eva posar med kamelen

Me har det kjekt, me har det chill

Her er me å klatrar i Baobad trærne

Her står Eva, Ragnhild og eg oppe i eine treet.
Eva i eine militærløypa

Ragnhild og eg, vel gjennomført!

I Senegal er det mange vannmeloner, her er den minste eg har sitt.

Me har mandariner i adventstida

Ei søt dame

2010-12-08T14:48:00.000-08:00

Her i Senegal er me så heldige at me har ei hushjelp. Namnet hennar er Amy Sambou. Ho er heilt fantastisk. Ho vaskar leilegheita, ho vaskar klede, ho fer på marknaden for å kjøpe mat, ho snakkar fransk med oss og ho lagar kjempe god Senegalesisk mat til oss. Denne dama er verkeleg GOD!

Gode menneske

2010-12-05T12:42:00.000-08:00

Joseph og Ronnie, saman med sonen deira og Ragnhild og eg.

Dei er leiarane på dagsenteret vårt, Ragnhild og eg har verkeleg sansen for dei to menneska. Dei er RÅ!

Glade JUL!

2010-12-02T12:24:00.000-08:00

Julebord med festmiddag; Yassa
Juleevangeliet på Nynorsk
Gimmi og Karina som me er så glade i

No er leilegheita pynta. Julelys er hengt opp, levande lys er på, snøkrystallar på vindaugene, episode 1 og 2 av Amalies Jul er opna og julemusikken er på. Igår hadde me Gimmi og Karina på Julebord, juletregåing og Juleevangeliet var sjølvsagt inkludert.

- No er det JUL i Afrika!

Etter julebord-party med Rokoya

Je m'apelle Mariama Ba

2010-11-30T06:08:00.000-08:00

Bonjour tout le monde! Så har eg no fått meg Senegalesisk fornamn og etternamn. Mariama Ba. Sjølve fornamnet er jo ikkje så veldig langt frå Marianne, men det er tydlegvis mykje lettare for senegaleserane å seie Mariama istaden for Marianne. Så om eg ikkje skulle reagere på Marianne då eg kjem heim, så veit de no grunnen.

Grunna at dei som me leiger leilegheit hjå skrur internettet litt av og på, så er det ikkje like lett å få til blogginga, men eg prøver så godt eg kan.

Førre veke byrja me å arbeide på dagsenteret. Det er ein god gjeng med gutar der. Til no har me klart å lære oss kanskje to namn, ja det er ikkje like lett å hugse. Men dei hugsar namna til Rokoya ( Ragnhild ) og meg, så det er jo kjekt. Dagane på dagsenteret går med til Uno, Domino, Ludo, Bordtennis og Fotball. Så dagane er særs aktive der. Alle vil sjølvsagt ha oss med på det meste. I dag ville eine guten, Ibrahim at eg skulle gje han Halsnøy - volleyball drakta som eg hadde på meg, då me spela fotball. Guten er morosam. Så har Ragnhild og eg introdusert nokre nye leikar, HA-leiken og andre leikar. Dei syns det er kjempe morosamt. Ronnie og Joseph som driv dagsenteret syns nok det var like morosamt, for dei lo og lo. Så då var me nøgde!

Sist veke var me òg med på å feire Thanksgiving saman med ein gjeng Amerikanske og andre misjonærar på gjestehuset til NTM. Det var veldig kosleg og maten var jo veldig god! Kvifor feirar me ikkje slik i Noreg? Eg undrar.

Så har me òg blitt kjend med ei jente som er frå Island, Eva. Så no kjenner med iallefall nokon på vår eigen alder som ikkje er busatt her og er misjonær, så det er kjekt. Elles så viste Gimmi og Karina ( to som studerer fransk her og skal reise til Mali etter jul for å vere misjonærar der) ei nydeleg strand på fredag. Den var verkeleg fin! Og der traff me faktisk ei dame som var NORSK, eg gjentek NORSK. Ho var gift med ein Senegaleser og dei budde i Ålesund. Tenk å treffe nokre norske her, for ei kjensle.

Elles så nyt me tida med Dagsenter, vener, stranda, marknad, møter og anna. Livet er Godt!

Og... GRATULERA SÅ MYKJE MED DAGEN I DAG, PAPPA! :D

Fotball på dagsenteret, ja, eg er særs flink.

Stranda Voile D'or

Thanksgiving

Islandsk veninne; Eva

Ragnhild og eg, ut mot
øya Il de Gorèe

TABASKI!

2010-11-21T09:17:00.001-08:00

Ja, då har me vore så heldige at me har fått vore med på å feire ei stor høgtid for muslimane; nemleg Tabaski! Saman med Reidun, mentoren vår og familien hennar for me til ein muslimskfamilie. Tabaski går ut på at dei offrar og slaktar ein sau. I høve Tabaski hadde me fire jentene fått sydd oss Senegalesiske klede. Så dei tok me på oss og for til Ibrahim og familien hans i 09 tida. Då me kom, sjølvsagt litt seint så hadde dei allereie slakta sauen, så det var litt kjipt. Men me fekk sjå på då dei kutta den opp i delar og steikte den. Me som var gjeste satt der opp og ned heile dagen. Først fekk me smake av leveren, saman med litt lauk. Nokre timar seinare fekk me som var på besøk saman med mannen i huset ete ein ny runde med mat i stova deira, dei andre satt ute. Men me måtte ikkje ete oss mette på det andre måltidet, for me skulle jo ha meir mat. tredje gongen så satt me ute, nesten saman med dei andre. Då fekk me sauen, lauk og potet igjen. Så eg vil eigentleg seie at det var å ete det same tre gonger. Seinare gjekk me ungdommane på stranda ein tur, det var herleg! Så det var kjekt å vere med å sjå og oppleve høgtida deira. Eg vil samanlikne det med 17.mai. Ein står opp tidleg, for så å ta på seg det finaste ein har, så er det party!

Elles så er me no ferdig med det 30timar lange franskkurset vårt, så i morgon skal me byrje på dagsentera våres! Det blir spanande!!

Fransktimar og...mykje anna kjekt!

2010-11-09T14:40:00.000-08:00

No har me byrja på fransktimar. Me fire blir undervist av ein Senegalesisk mann som heiter Abdul. Ein kjekk muslimsk kar som sikkert er rundt 50 år. No er me komen på godfot med fyren, så me kallar han berre for Abbi, eller. Eg gjer iallefall det. Så for tida frå kl 15-18 er me på BaoBao senteret og lærer fransk. Det er veldig gøy!

I helga som var så fekk me gjort veldig masse. På Dakar Academy, der sonen til mentor går var det eit skodespel på fredag. Det gjekk på engelsk og det var veldig artig.

På laurdag var me på Il de Goreè som er ei vakker øy utanfor Dakar. Det var verkeleg reint der. Her i Dakar er det veldig mykje boss all over the place. Så det var fint å reise ut der å sjå. Goreè var tidlegare ei fangeøy. Så det var spanande å sjå der. No til vanleg er det ca 1200 menneske som bur der ute. Det var masse stilig i form av klede og maleri som ein kunne kjøpe der ute. Personleg kjøpte eg ei bukse i fargane Gult, raudt og grønt med bilete av Afrika på. Ja, eg veit. LOL.

På sundag var me med Gimme og Karina i kyrkja som dei går i. Det er ei fransktalande kyrkje det òg. Sjølv om me ikkje skjønar så mykje enno, så er det kjekt å vere med i lovsongen. Seinare gjekk Susanne og eg for å sjå på eit STORT monument; Le renessans (eller noko slikt) ein monster statue. Som er verkeleg flott å sjå på. Den var ny i April. Men som egentlig ikkje er bra for folket i landet, ettersom det er så mange som er fattige så blei det brukt mykje pengar på ein slik ting.

Elles så har me det mykje morosamt med å ta taxi her nede. Dei er ikkje ratt fine. Eg har det som eit mål å kjøre med den styggaste taxien, som regel. Det skal ikkje så mykje til for å finne ein verkeleg stygg ein!

I morgon skal me kjøpe stoff og komme oss til ein skreddar. Me skal få sydd oss Senegalesiske klede, det blir kjekt!

Au revoir som franskmenna og eg vil seie det!

Flytta inn i leilegheit!

2010-11-03T08:57:00.000-07:00

No har me flytta inn i leilegheita som me skal bu i fram til me fer heim att til Noreg!

Det er godt å vere på plass. På måndag fekk me møte Gimme og Karina, som er to misjonærar som er her for å lære fransk, men som skal til Mali i januar. Dei to+ Reidun og Harry og to til hjalp oss med å flytte inn i leilegheita. Det er ikkje like lett å få alle tinga opp i leilegheita då det er smale trapper opp og då me bur i 2egt. For her var det ingen møblar frå før, men Reidun har gjeve oss ting. Så no syns me sjølve at det er veldig kosleg her og i dag fekk me internett. Det er jo kjekt å ha! Så dei siste dagane har me brukt ein del tid på å flytte inn i leilegheita.

I går kveld var me på besøk til Vildene og Jerome. Der var òg Ronni og Yousef. Det er dei to ektepara som driv dagsentera som me skal jobbe på. Dei fortalde om dagsentera. Det verkar veldig spanandes og me gledar oss til å byrje der. På fredag skal me innom dagsentera saman med Reidun for å sjå korleis det er der. I morgon skal me starte på franskkurset. Det blir kjekt å lære fransk.

Ronni ( Ja, det er ei dame) og Yousef snakkar berre fransk, så det blir ei utfordring for Ragnhild og meg som skal jobbe med dei. Men eg satsar på at det blir enklare å lære fransk då me blir nøydde til å snakke det.

I dag har me vore på ein vanleg butikk og fått teke ut pengar. ja, me har ikkje fått gjort det før no. Men det var kjekt å få handle inn litt mat! Så no sit me med internettet i leilegheita og slappar av! Det er godt!

Og Ja, me har ikkje varmt vatn. KOS! ;D

Bonjour!

2010-11-01T14:07:00.000-07:00

Hallo vener og familie som les denne bloggen!

No har me vore her i Dakar sidan fredag og førebels så går det fint. Då me kom på fredag var det litt stress for å komme oss gjennom passgreiene, så var det ein mann som prøvde å ta bagasjen min og hadde lagt den oppå tralla si. Men det går fint. It's cool.

Me blei henta av Reidun ( mentor) og mannen hennar, Harry på flyplassen. Reidun er norsk og Harry er frå Holland. Dei driv eit gjestehus her i Dakar for NTM ( New tribes mission). Så me har budd her på gjestehuset sidan me kom.

På laurdag så måtte me kjøpe nokre nye klede. Så eg enda opp med tre plagg. Det eine skjønar eg verkeleg ikkje kvifor eg kjøpte, for den ser ikkje ut. Eg gjekk med den i kyrkja i går, ein kjole i alle fargar. Eg tullar ikkje då eg seier at eg hadde nok på meg den styggaste kjolen i kyrkja.

Seinare var me på Braziliansk restaurant. Der var det god mat. Etterpå var me på ein konsert. Det tok forever. Så me gjekk etter å ha vore der i tre timar, og då var me vel kome rett over halvveis i programmet. Me fekk òg møte dei me skal jobbe på dagsenter for.

I dag har me flytta ting over i leilegheita vår. Det er veldig enkel standard, men det vert nok kosleg. Og i morgon skal me flytte inn. Det blir kjekt å få pakke ut av kofferten!

Elles så sov eg på golvet i natt grunna at eg holdt på å døy av varme. jada, det er ikkje mangel på varme. Så eg har planar om å kjøpe ei vifte! :D

Over og ut!

Legg ut bilete av three good little church girls!

Eg er i Senegal! :)

2010-10-30T17:01:00.000-07:00

Bonjour!

No er eg vel framme i Senegal og har vore her no i eit døgn. Ville berre informere om at eg er framme, så skal eg oppdatere meir i morgon og slenge med nokre bilete då!

Over og ut, menneske! ;)

Marianne Theodora

SENEGAL....om 10 dagar!

2010-10-19T01:12:00.001-07:00

Ja, no er det ikkje lenge til me reiser. Om ti dagar lettar me frå Gardermoen.

altså, 29.okt kl 06.30! Ja, det vert crazy og ja, eg gledar meg!!

Regn!

2010-09-24T14:38:00.000-07:00

- Eg Elskar regn
- Det er særs forfriskande
- Det er kult å gå med støvlar
- Takk for ein flott to-timars gåtur i regnet, Eirin!

Skulle ynskje eg hadde så stilige støvlar som på bilete, men dei enkle svarte små som eg har duger til dei grader!

- Tusen takk "Viking" for det flott paret.

Vi snakker Grimstad!

2010-09-13T13:30:00.000-07:00

- Me reiste ein gjeng på "spontan" tur til Grimstad på sundag
- Synnøve, Vígdís, Svanhild og Elisabeth blei overraska
- Det var utruleg gøy
- Det er alltid godt å sjå Framnesinigar att
- Alt står bra til på GUS!

Så først eit bilete av gjensynet med litt Framnesfolk, så eit bilete frå GUS!

Stikkord er gøy.

2010-09-09T15:19:00.000-07:00

- Eg går på GUS
- Haiking er gøy
- Det er kjekt å treffa att gode vener
- Syskenborn er gode å ha
- Bergen er ein NYDELEG by!
- Heimelaga kjøttkaker slår aldri feil
- Livet er godt
- Gud er god

- Hurdal er foresten midt i skogen utan kollektiv transport.

Ein ny start!

2010-05-26T03:07:00.000-07:00

No skal eg byrje på ein ny start. Dette skal bli ein meiningslaus blogg med meiningslause innlegg.

Dette blir kjekt!
Peace and Love